La Liga ofron teste falas për futbollistët, klubi i refuzon: Të tjerët kanë nevojë më shumë se ne

Të martën, Real Zaragoza – skuadër e cila po i afrohet promovimit në elitën e futbollit spanjoll për herë të parë pas shtatë viteve – potencoi se La Liga i kishte ofruar 42 klubeve teste për koronavirus, transmeton Periskopi.

Ishte sugjeruar më herët se përdorimi i testeve për lojtarët e shëndoshë që nuk kanë simptoma të virusit është e papërgjegjshme, për shkak të numrit të kufizuar të testeve dhe krizës potenciale globale në mungesë të tyre.

“Po, është e vërtetë se La Liga i bëri testet të disponueshme për ne, por ne nuk i kemi përdorur për shkak të kritereve mjekësore dhe anti-shoqërore,” tha drejtori i klubit, David Espinar.

“Asnjë lojtar nuk ka simptoma dhe ne besojmë se ka grupe me më pak privilegj por me më shumë nevojë. Të tjerët meritojnë prioritet.”

Presidenti i Federatës Spanjolle, Luis Rubiales gjithashtu ishte shumë kritik ndaj La Ligas për këtë veprim, duke thënë: “Kjo është e papërgjegjshme dhe madje e ndëshkueshme.

“Poashtu është anti-patriotike dhe masë vetjake. Nuk do të them më shumë.” /Periskopi.com/