BE-ja ndihmon Serbinë e Malin e Zi për koronavirusin, por jo edhe Kosovën

Komisioni Europian ka propozuar të Fondi i Solidaritetit të BE’së të përdoret nga vendet anëtare, por edhe nga ato që janë në negociata si Serbia, Mali i Zi dhe Turqia, për t’u përballur me koronavirusin. Në këto ndihma që pritet të jepen, nuk përfshihet edhe Kosova, shkruan Gazeta Metro.

Sipas propozimit të KE-së, ky fond mund të përdoret në kriza, dhe tani është koha që përballet me këtë situatë emergjente.

“Kriza me të cilën përballemi për shkak të koronavirusit ka dimension të konsiderueshëm njerëzor dhe ndikim të madh ekonomik. Si pjesë e kësaj përgjigjeje të përbashkët, Fondi i Solidaritetit i BE-së mund të luajë një rol të rëndësishëm në shfaqjen e solidaritetit të BE’së ndaj vendeve anëtare që përballen me situata emergjente”, thuhet në propozim.