19 raste të reja me koronavirus në Maqedoninë e Veriut

Ministri i Shëndetësisë,  së Maqedonisë së Veriut, Venko Filipçe, njoftoi se gjatë mbrëmjes janë testuar edhe 71 pacientë prej të cilëve dy kanë rezultuar pozitiv.  Një person është nga Shkupi i cili ka qenë në kontakt me pacient të infektuar në vendin tonë, kurse personi i dytë është nga Ohri i cili ka ardhur në vendin tonë nga Bresha e Italisë.

Ministri Filipçe gjithashtu njoftoi se edhe 17 pacient që janë testuar në një klinikë private kanë rezultuar pozitiv, por që të njëjtit do të testohen sërish nga ISHP. Me rastet e fundit numri i përgjithshëm i personave  të infektuarve në vend  deri në ora 10:00 është 67.