5 minuta më parëTusk tërbon shqiptarët: Thotë se BE-ja me shumë dëshirë do ta pranonte menjëherë një shtet tjetër brenda
Periskopi(6 vite më parë)
(6 vite më parë)Donald Tusk, ish presidenti i Këshillit Evropian, ka thënë se do të kishte entuziazëm të madh në BE nëse Skocia aplikon për të rihyrë pas një pavarësie të mundshme. Një deklaratë kjo që do të jetë tepër e dhimbshme për kosovarët, shqiptarët, maqedonoveriorët, serbët, malazezët dhe bosnjakët. Në këto deklarata që do të nxisin edhe […]
Në këto deklarata që do të nxisin edhe më shumë fushatën e Nicola Sturgeonit për një referendum të dytë, Tuski i tha BBC-së se kishte simpati të madhe për dëshirën e shumë skocezëve për të rihyrë në Bashkimin Evropian pas Brexitit, shkruan The Guardian, përkthen Periskopi.
“Dua ta ndaloj veten që ët mos them diçka tepër të hapur. Nganjëherë, ndihem sikur edhe unë jam skocez. Jam tepër skocez tash, veçanërisht pas Brexitit,” tha ai.
“Emocionalisht, nuk kam asnjë dyshim se secili do të ishte entuziast këtu [në BE], në Bruksel dhe në krejt Evropën, por megjithatë i kemi do traktate e do formalitete. Por nëse më pyesni për emocionet tona, mendoj se ka një ndjesi të çiltër. Do të shihni vetëm empati.” – shtoi më tej ai.
Skocia votoi me 62 për qind që Britania e Madhe të mbetej në Bashkimin Evropian në referendumin e vitit 2016 por megjithatë qytetarët anglezë kishin menduar ndryshe.
Një deklaratë e tillë është mjaft zemëruese për qytetarët e Kosovës dhe të vendeve tjera të Ballkanit Perëndimor që në vitet e fundit janë trajtuar me shumë përbuzjen nga zyrtarët e lartë të BE-së.
Veç kësaj, qytetarët e Kosovës vazhdojnë të mbesin të vetmit në Evropë që përballen ende me regjimin e vizave. Ndërkohë, BE-ja vendosi së fundi që të mos i hapte negociatat formale për hyrje në BE as për Shqipërinë e Maqedonisë së Veriut, edhe pse kjo e fundit kishte ndryshuar madje edhe emrin pas një konflikti të gjatë 20 vjeçar. /Periskopi
