Futbollisti shqiptar që i quajti kosovarët m** dhe ua bëri ‘haram’ bukën dënohet rëndë nga FSHF

Ish-qendërmbrojtësi i Tiranës, tash i Bylisit, Jurgen Goxha është dënuar me tetë ndeshje moslojë, pasi u mundua t’ia jepte fanellën e tij gjyqtarit, Orlando Kuka, gjatë barazimit 2-2 me Vllazninë.

FSHF e mori këtë vendim pas skenave të pahijshme, me Goxhën që tani ka reaguar në rrjetet sociale me një postim interesant ku shkruan: “Zoti do t’jua çojë ‘dënimin’ aty ku dhemb më shumë,” shkruan Periskopi.

Kjo nuk është hera e parë që Goxha dënohet për sjellje të pahijshme, me të njëjtin që në qershor të vitit të kaluar – sa ishte pjesë e Tiranës – që kishte bërë komente të rënda për kosovarët, të cilat mund t’i shihni më poshtë.

Sidoqoftë, për shkak të rrëmujës së krijuar në sfidën Bylis-Vllaznia 2-2, Disiplina vendosi të pezullojë për dy ndeshje presidentin e klubit mallakastriot Besnik Kapllanaj për përdorim të gjuhës jo-sportive dhe mungesë të “fair-play” pas takimit në “Adush Muça”. Përveç kësaj, Bylisi u gjobit me 50 mijë lekë për sjellje të pahijshme të tifozëve.