E tmerrshme: Haskuka nuk i ka përmbushur as 65 për qind të premtimeve sipas hulumtimit

Më i miri në këtë aspekt del të ketë qenë Refki Suma i Hanit të Elezit. Ndërkaq, ndër kryetarët e komunave që nuk qëndrojnë mirë në këtë aspekt është edhe Mytaher Haskuka i Lëvizjes Vetëvendosje, shkruan Periskopi.

Haskuka që ka mandatin e parë si kryetar komune, del se i ka bërë 49 premtime nga të cilat vetëm 17 i ka përfunduar krejtësisht.

11 premtime të tjera del se janë gjysmë të përmbushura, 16 të tjera janë të filluara ndërkaq 5 sosh as nuk kanë filluar që të realizohen.

GAP thotë se edhe sa i përket “shujtave ushqimore dhe qumështit falas për nxënësit deri në klasën e 5” komuna nuk ka arritur që ta përmbush premtimin duke i lënë nxënësit filloristë që të mos shijonin shujtat dhe qumështin pa pagesë.

“Komuna ka përsëritur disa herë procedurat e prokurimit për realizimin e premtimit në shpërndarjen e shujtave për nxënës deri në klasën e pestë. Deri në dhjetor të 2019 këto shujta nuk kanë nisur të shpërndahen.” – shkruhet nga GAP.

Del se Haskuka për më tepër as nuk ka hapur laboratorët e fizikës, kimië dhe biologjisë nëpër shkolla, ashtu siç kishte premtuar. Por, as nuk ka krijuar dollapë për nxënës në secilën klasë – edhe pse një gjë e tillë do të ishte lehtë e realizueshme. /Periskopi