E shpjeguar: Çka do të thotë dënimi me ‘burgim efektiv’ për Agim Ademin pasi u konfirmua edhe nga Gjykata e Apelit

Pas disa muajsh shqyrtimi, Gjykata e Apelit ka fuqizuar vendimin e shkallës së parë për nëntë muaj burgim efektiv për numrin 1 të FFK-së, i cili është shpallur fajtor për dy vepra penale me të cilat është ngarkuar.

E dëgjuam shumë fjalën “burgim efektiv” gjatë ditës së sotme në secilin lajm që kishte të bënte me Ademin, por asnjëherë nuk u shpjegua kuptimi i qartë i termit.

Periskopi ka kontaktuar me njohës të ligjit dhe ka marrë përgjigjen rreth paqartësive.

Në bazë të përgjigjes që kemi marrë, potencohet se burgimi efektiv është dënim i menjëhershëm prapa hekurave dhe që nuk mund të shmanget me kaucion me pagesë ose me marrëveshje të tjera që i parasheh ligji.

Tash, Ademit i mbetet edhe një shkallë për ta apeluar vendimin, derisa Gjykata Supreme është dera e fundit ku mund të trokas numri 1 i FFK-së. /Periskopi.com/