Cristiano Ronaldo mbush 35 vjet: Forma e tij fizike shumë më e dobët se dikur, fundi i karrierës afër

A është plakur Ronaldo ashtu siç sugjeron numri i viteve që mban mbi supe?

Natyrisht. Portugezi këtë sezon ka qenë në një formë të mirë dhe nga 19 ndeshje i ka shënuar 19 gola, 7 prej të cilave nga pika e bardhë. Sidoqoftë, Serie A njihet si një ligë e sulmuesve veteranë, sidomos në vitet e fundit.

Luca Toni në moshën 38 vjeçare para disa vitesh ishte shpallur golashënuesi më i mirë me Hellas Veronan. Sivjet, vetë Ronaldo ka 6 gola më pak se një sulmues mesatar si Ciro Immobile. Ndërkohë, i shkëlqyer është treguar edhe slloveni 32 vjeçar, Josip Iliqiq që i ka shënuar 14 gola dhe asnjërin nga penaltia. Edhe pse Iliqiq nuk është sulmues me profesion.

Vitin e kaluar, Ronaldo u mund në garën për golashënuesin më të mirë nga Fabio Quagliarella i Sampdorias që ishte 36 vjeçar.

Pra, golat e tij në Serie A nuk është se vlen shumë.

Forma në Champions League e Ronaldos këtë sezon është shumë e dobët. Ai ka arritur të shënojë vetëm dy gola në gjashtë ndeshje të luajtura gjatë këtij edicioni për Zonjën e Vjetër.

Në vrapim e në driblime Ronaldo vazhdon të duket si dikur, por në të vërtetë golat e shënuar nga loja e hapur janë mjaft të paktë. Në dy vitet e fundit ai ka shënuar më shumë gola nga gabimet kundërshtare dhe nga pasimet e bashkëlojtarëve që e vinin para portës. Natyrisht, edhe nga penaltitë e panumërta.

Ronaldo po tregon se mosha nuk është vetëm një numër dhe se numri i ditëve të mbetura për të është drejt fundit. /Periskopi