Çmimi i maskave u rrit 10-fish, mbrojtësi i konsumatorëve: Është në rregull

Qytetarë të shumtë janë përballur me ngritje çmimesh të maskave të cilat deri para disa javësh kanë kushtuar 10 centë, çmimi u rrit dhjetë fish, pasiqë tani po kushton 1 euro.

Ngritja e përnjëhershme e çmimeve ka shqetësuar shumë qytetarët për të cilët kjo gjë duket jo normale. Udhëheqësi i Organizatës Joqeveritare “Konsumatori”, Selatin Kaçaniku në një prononcim për Periskopin, thotë se bizneset i kanë ngritur çmimet duke u bazuar në rregullatorin e tregut.

Sipas tij, rregullatori i tregut që quhet ligji i kërkesës dhe ofertës thotë se kur kërkesat shtohen, ngritët çmimi dhe anasjelltas.

‘’Çmimet varen nga tregu, është një rregullator i tregut që quhet ligji i ofertës dhe kërkesës dhe nëse kërkesat janë të shtuara, atëherë çmimet ngritën. Nëse ndodh e kundërta, ulet çmimi. Së këndejmi, prodhuesit edhe tregtuesit për shkak të kërkesave të mëdha e kanë pa të arsyeshme t’i rrisin çmimet. Natyrisht ne si shtet i vogël s’kemi pas mundësi të ndikojmë, përveç nëse në këto ‘lojëra’ nuk kanë bërë pjesë edhe tregtarët tanë ata që bëjnë tregti me medikamente mjekësore’’, thotë Kaçaniku.

Tutje, ai shton se maskat nuk janë masa kryesore preventive por higjiena e secilit person. ‘’Maskat nuk janë aq efikase sa ne pretendojmë. Më efikase është higjiena jonë’’, tha Kaçaniku./Periskopi/