Batatina: Kombëtaren na e bëri Fadil Vokrri, FFK-ja e sotme i shiti vetëm nga 2 mijë bileta e jo 12 mijë

Ai ka akuzuar krerët e federatës se kanë shkelur statusin e saj, duke iu dhënë statusin e delegatëve plot njerëzve të cilët kishin edhe kontrata pune me të.

Por, ai nuk është mjaftuar me kaq duke hedhur edhe akuza të tjera ndaj FFK-së që drejtohet nga Agim Ademi, i dënuar nga Gjykata Themelore për kanosje dhe sulm fizik, shkruan Periskopi.

Batatina ka deklaruar se “Përfaqësuesja (Kombëtarja e Kosovës) ishte meritë e të ndjerit Fadil Vokrri dhe se Federata (e sotme) i kishte dy çështje dhe në të dyjat dështoi: organizimin dhe shitjen e biletave.”

Z.Batatina më tej tha se FFK-ja i kishte shitur vetëm nga 2 mijë bileta e kishte pasur për detyrë t’i shiste nga 12 mijë për tifozët e kombëtares së Kosovës.

Ndryshe, shumë tifozë të kombëtares sonë në vazhdimësi kanë gjetur parregullsi në procesin e shitjes së biletave, derisa u mor vesh se kjo federatë në fakt ndante vetëm një pjesë të vogël biletash për ta duke i ndarë të tjerat për grupet e ndryshme të lidhura me të.

Se FFK-ja ka shkelur statusin me rastin e delegatëve që kishin kontrata pune kanë përsëritur edhe debatuesit e tjerë në RTV Dukagjini. Kujtojmë se javën e kaluar u mbajt Kuvendi Zgjedhor në të cilin pati tensione të mëdha pasi kryetari i FFK-së kërkoi “votëbesim”. /Periskopi