Barcelona ia mori lojtarin jashtë merkatos, Leganesit nuk iu lejua të transferojë zëvendësues

Klubi në vështirësi nga La Liga, Leganes thotë se është dëmtuar jashtëzakonisht shumë nga Federata Spanjolle e Futbollit, e cila ka refuzuar kërkesën për ta zëvendësuar sulmuesin Martin Braithwaite.

28-vjeçari iu bashkua Barcelonës jashtë afatit kalimtar, saktësisht më 20 shkurt, për ta zëvendësuar Ousmane Dembelen, i cili u lëndua dhe do të mungojë gjashtë muaj, transmeton Periskopi.

Sipas rregullores, nëse një klubi i lëndohet një futbollist për gjashtë muaj ose më shumë, me leje të veçantë mund ta transferojë zëvendësuesin e tij.

Mirëpo, Leganesit i është mohuar mundësia për ta zëvendësuar Braithëaiten.

“Këto janë rregulla të padrejta,” thuhet në komunikatën e Leganesit.

“Shkojnë kundër integritetit të kompeticionit dhe të drejtave të të gjitha klubeve për të garuar barabart dhe i kanë shkaktuar dëm të jashtëzakonshëm klubit.”

Barça transferoi danezin për 18 milionë euro. /Periskopi.com/