1000 shkencëtarë u mblodhën bashkë për ta kuptuar kancerin: Arrihen rezultate epokale

Ata thanë që kanceri ishte si një fotografi njëmijë pjesëshe, dhe se deri më sot, 99% e pjesëve kishin munguar.

Studimet e tyre, të publikuara në revistën Nature, ofruan një tablo gati të plotë të të gjithë kancerëve, shkruan BBC, përkthen Periskopi.

Këto tablo mund ta lejonin trajtimin që të bëhej te secili pacient me tumor unik, ose të zhvilloheshin mënyra për ta gjetur kancerin në fazat më të hershme.

Konsorciumi i Analizave Pan-kanceroze të të Gjitha Gjenomeve analizoi kodin gjenetik të 2 mijë e 658 kancerëve.

1 përqindëshi

Kanceri është një version i korruptuar i qelizave tona të shëndetshme – mutacione të ADN-së sonë që ndryshojnë qelizat tona deri sa eventualisht rriten dhe ndajnë në mënyrë të pakontrollueshme.

Krejt të kuptuarit tonë për këtë proces vjen nga setet e instruksioneve gjentike për ndërtimin e proteinave të trupit.

“Kjo është veç 1 për qind e të gjitha gjenomeve,” tha dr.Lincoln Stein nga Instituti Ontario për Hulumtime Kanceroze.

Ai tha se mjekët kishin qenë “në terr” kur trajtonin gati një të tretën e pacientëve, derisa nuk e dinin se pse qelizat e tyre ishin bërë kanceroze.

Ky studim i madh kishte ekipe nga 37 vende të botës për më shumë se një dekadë për ta kuptuar se çka ndodhte me 99 përqindëshin e gjenomeve tjera.

Kjo vepër madhështore tregon se kanceri është masivisht kompleks, me mijëra kombinime të ndryshme mutacionesh të afta për të shkaktuar kancer.

Çka çon drejt kancerit

Projekti gjeti se kancerët e njerëzve përmbajnë, mesatarisht, mes katër dhe pesë mutacionesh fondamentale që çojnë drejt rritjes së kancerit.

Ka shumë pjesë të mangëta që mund të eksploatohen me trajtime e që sulmojnë këto “mutacione që çojnë në kancer”.

“Më së fundi, ajo që ne duam të bëjmë është të përdorim këto teknologji për të identifikuar trajtimet që zhvillohen te secili pacient individual,” tha dr.Peter Campbell, nga Instituti Wellcome Sanger.