Zbulohet arsyeja pse do të mungojë Milot Rashica kundër Maqedonisë së Veriut

Mungesa kryesore është ajo e yllit të Werder Bremenit, Milot Rashicës i cili nuk është ftuar fare nga Bernard Challandes .

Anësori nga Vushtrria nuk është ftuar nga trajneri Bernard Challandes për shkak të një lëndim që e ka mbajtur jashtë fushave për një kohë të gjatë.

Rashica nuk ka luajtur ende asnjë minutë për Werder Bremenin në Bundesligën gjermane, ndërkohë vetëm javën e kaluar është rikthyer në stërvitje.

Lajm i mirë ndërkohë është ftesa për Vedat Muriqin, i cili ishte në dyshim për shkak të një lëndimi.

Edon Zhegrova dhe Lirim Kastrati rikthehen në listën e parë të Kosovës ndërkohë Florian Loshaj ftohet për herë të parë nga kombëtarja seniore e “Dardanëve”.