Rrahmani negativ në testin për Covid-19 por mungon kundër Maqedonisë së Veriut: I detyruar të izolohet

Gjatë ditës së sotme u raportuar fillimisht se Rrahmani ishte infektuar me koronavirus dhe se ai nuk do të ishte në gjendje që t’i bashkohet Kosovës për takimin historik ndaj Maqedonisë së Veriut në kuadër të gjymsëfinales së Ligës së Kombeve.

Megjithatë, pak minuta më parë, vetë klubi napolitan konfirmoi se përveç dy rasteve pozitive (Zielinski, Elmas), të gjithë lojtarët e tjerë kishin rezultuar negativ në testet e ditës së sotme.

Lajmi i keq për trajnerin Bernard Challandes dhe të gjithë fansat “Dardanë” është se lojtari duhet të izolohet për një periudhë 14 ditore ndaj do të humbas sfidën ndaj Maqedonsë së Veriut.

Këtë gjë e ka konfirmuar gazetari i njohur italian, Mario Gago Huerta i cili në llogarinë e tij personale në Twitter shkroi se “ndonëse nuk ka raste të reja me koronavirus, lojtarët duhet të izolohen dhe nuk do të mund të udhëtojnë për takimet e kombëtareve”.

Kujtojmë që Kosova luan ndaj Maqedonisë së Veriut ditën e enjtë, takim ky që siguron një vend në finale me mundësi kualifikimi për Evropianin e vitit të ardhshëm.