3 orë më parëMessi, Pique dhe Koeman u grindën me gjyqtarin pas kartonit të kuq të Lenglet
Periskopi(6 vite më parë)
(6 vite më parë)Është e sigurt të thuhet që Barcelona nuk ishte e kënaqur me gjyqtarin Carlos del Cerro Grande pasi ai e ndëshkoi me të kuq mbrojtësin Clement Lenglet kundër Celta Vigos. Francezit iu dha kartoni i dytë i verdhë për pas një goditje në drejtim të Denis Suarez pak para mbylljes së pjesës së parë për […]
Është e sigurt të thuhet që Barcelona nuk ishte e kënaqur me gjyqtarin Carlos del Cerro Grande pasi ai e ndëshkoi me të kuq mbrojtësin Clement Lenglet kundër Celta Vigos.
Francezit iu dha kartoni i dytë i verdhë për pas një goditje në drejtim të Denis Suarez pak para mbylljes së pjesës së parë për të lënë Barcelonën në 10 lojtarë.
Ky vendim i gjyqtarit krijoi shumë pakënaqësi te klubi katalunas, të cilët në krye me kapitenin Lionel Messi, protestuan ashpër vendimin për largimin e Lenglet.
Pakënaqësitë e Barcelonës nuk përfunduan në fushë, pasi ato u bartën edhe në tunel pas mbylljes së pjesës së parë.
Sapo të binte bilbili i pjesës së parë, Messi dhe Pique u përballën me gjyqtarin në tunelin e stadiumit në Balaidos, me grindjen e kapur nga kamerat e mediumit Movistar.
Ronald Koeman u bashkua me dy lojtarët e tij të vjetër në shprehjen e zhgënjimit të tij për vendimin e gjyqtarit kundrejt Lenglet.
Gjatë diskutimeve, Del Cerro Grande i shpjegoi treshes pse Lenglet u përjashtua, duke ua sqaruar që mbrojtësi hapi krahun e tij drejt fytyrës së Denis Suarez.
