Mërgim Vojvoda stërvitet fuqishëm para ndeshjes kundër Maqedonisë së Veriut, videoja është bërë hit

Kosova do të takohet të enjten më 8 tetor ndaj Maqedonisë së Veriut në Shkup, duke tentuar kështu kualifikimin në Kampionatin Evropian përmes “Ligës së Kombeve”.

Futbollistët e ftuar nga selektori Bernard Challandes janë paraqitur të hënën (5 tetor) në seancën e parë stërvitore për këtë takim.

Mirëpo, futbollisti Mërgim Vojvoda duket se nuk është mjaftuar me këtë seancën teksa ka publikuar disa imazhe nga puna individuale në palestër.

Vojvoda duket tejet i përqendruar për duelin e kësaj jave, teksa kërkon të stërvitet fuqishëm për të qenë në formë optimale.