Këto janë gjashtë futbollistët që janë në kërkim të ‘strehës’, para mbylljes së merkatos

Merkato e futbollit vijon të jetë e nxehtë dhe kur nuk ka mbetur shumë kohë që të mbyllet për këtë sezon.

Disa prej lojtarëve nuk e kanë të qartë ende të ardhshmen e tyre ndërkohë që zërat qarkullojnë për transferime të shumta.

6 prej emrave më të lakuar janë:

Jadon Sancho

Lojtari i Borussia Dortmund ka qenë emri më i përfolur. Ai ka qenë objektiv kryesor i Manchester United, por gjermanët kanë kërkuar 120 mln euro për të. Ndërkohë ekipi anglez nuk ka dashur të paguajë aq.

Wilfried Zaha

Edhe pse nuk është sekret dëshira e tij për t’u larguar nga Selhurst Park, koha po mbaron për lojtarin e Bregut të Fildishtë. Everton ishte ekipi që kërkonte me ngulm shërbimet e tij, madje dhe vitin që kaloi. Por ende nuk është arritur një akord.

Antonio Rudiger

Edhe pse shpenzoi shumë miliona gjatë verës, reparti i mbrojtjes së Frank Lampard nuk duket i zgjidhur. Rudiger shprehu qartë se nuk donte të luante ndaj Tottenham javën e kaluar për Carabao Cup. E ardhmja e 27-vjeçarit duket jashtë Stamford Bridge.

Ismaila Sarr

Ndryshe nga Bournemouth, që ka humbur Callum Ëilson, Ryan Fraser, Aaron Ramsdale dhe NathanAke që nga rënia nga kategoria, Ëatford është përpjekur të mbajë lojtarët. Interesi për Sarr është rritur ndjeshëm, edhe nga ekipe si Liverpool, por ende asgjë zyrtare.

Houssem Aouar

Francezi ishte i jashtëzakonshëm në fitoren e Lyon përballë Manchester City në Champions League sezonin e kaluar. Megjithatë po përflitet për një dale të Aouar nga ekipi francez, me Paris Saint Germain dhe Arsenal që kërkojnë shërbimet e tij.

Kalidou Koulibaly

Manchester City pritej të ishte ekipi që do të transferonte Koulibaly-n, por ardhja e Ruben Dias nga Benfica i ndërlikoi gjërat. Napoli i ka vendosur një çmim prej 70 milionë eurosh 29-vjeçarit. Trajneri i Napolit Gennaro Gattuso shprehet: “Koulibaly ka një çmim të caktuar, nëse asnjë ekip nuk paguan paratë që kërkohen, ai s’ka për t’u larguar”.