Challandes këshillon lojtarët e Kombëtares: Mos i harroni rrënjet e juaja edhe pse jeni në klube të mëdha

Përzgjedhësi i Kosovës, Bernard Challandes mbajti konferencën për shtyp para ndeshjes me Maqedoninë e Veriut, transmeton Periskopi.

Ai krejt në fund të konferencës ua dha ‘Dardanëve’ një mesazh, i cili vijon:

‘Unë e njoh mirë vendin dhe historinë e këtij shteti, kam informacione se si është zhvilluar gjithçka në Kosovë, prandaj për ne ndeshja me Maqedoninë do të jetë më shumë se ndeshje, ata (lojtarët) do të tregojnë se sa janë të gatshëm të luftojnë për fanellën e Kosovës.

‘Disa prej lojtarëve tashmë kanë ndërruar klube, janë në klube më të mëdha – kanë marrë kontrata të mira dhe mbase mendjet e tyre jane duke fluturuar, por ne duhet t’ua rikujtojmë atyre rrugën dhe rrënjet e tyre, tha krejt në fund Challandes, përcjell Periskopi.