Taktika të shkollës së vjetër dhe seanca si të klubeve amatore: Yjet e Tottenhamit të frustruar me Mourinhon

Të gjithë e dinin se zëvendësimi i Mauricio Pochettinos do të ishte një prej testeve më të vështira ndonjëherë, dhe Mourinho rrezikoi reputacionin e tij mjaft shumë kur vendosi të kalojë te një klub me fonde të kufizuara.

Spurs e gjen veten tepër prapa zonës Champions, derisa zë vendin e nëntë, nën Sheffield Unitedin dhe ëolverhamptonin, dhe atë me nëntë pikë më pak.

Tani, “The Sun” raporton se zhveshtorja e Spurs ka filluar ta humb besimin në trajnerin e ri.

Burime të gazetës kanë informuar se lojtarët kryesorë të Tottenhamit janë të frustruar nga çasja e portugezit, derisa kanë kaluar diçka më pak se dy muaj që prej ardhjes së tij.

Shpjegohet se ka pakënaqësi rreth taktikës për topa të gjatë, gjë që po përshkruhet si “shkollë e vjetër”, me stërvitjet e Mourinhos që po konsiderohen si të kubeve të “ligave inferiore”.

Disa lojtarë madje mendojnë se klubi ka bërë hap prapa prej largimit të Pochettinos.

Përveç kësaj, ka shqetësime serioze rreth trajtimit që portugezi i ka bërë transferimit rekord të klubit, Tanguy Ndombele, të cilin ai e kritikoi gjatë periudhës festive.

Zhveshtorja beson se ana psikologjike e Ndombeles është dëmtuar pas deklaratës së Mourinhos se, pavarësisht që nuk ishte i lënduar, ai nuk ishte në gjendjen e duhur për të luajtur. /Periskopi.com/