Sa herë ta dëgjojë fjalën sport do të vjellë: Dënim i rëndë për fansin racist që bëri zhurma majmuni drejt Balotellit

Incidenti ndodhi gjatë ndeshjes së Serie A në “Stadio Bentegodi”, kur Balotelli goditi topin në tribuna te pjesa nga po vinin brohoritmat raciste, transmeton Periskopi.

Verona insistoi se askush nuk i kishte dëgjuar zhurmat e majmunëve nga tribuna, por një fans i Veronës publikoi një video në rrjetet sociale ku ata dëgjohen qartazi.

Pamjet u përdorën për të identifikuar njërin nga fansat, një 38-vjeçar i cili po vizitonte Veronën nga Agrigento e Sicilisë.

Atij tashmë i është shqiptuar dënimi i quajtur “DASPO”, që e pezullon atë nga të gjitha eventet sportive në Itali dhe Evropë për pesë vitet e ardhshme. /Periskopi.com/