Rikujtojmë huqjen e Dembeles që ndryshoi absolutisht gjithçka për Liverpoolin

Barcelona po udhëhiqte 3-0 në ndeshjen e parë gjysmëfinale të Champions League.

Liverpooli pati një këndore dhe e kërkonte domosdoshmërisht golin si mysafir, transmeton Periskopi.

Në fakt, “Të Kuqtë” ishin aq ngusht të shënonin, sa që Jurgen Klopp kërkoi edhe nga portieri Alisson Becker të shkonte te porta e kundërshtarit.

Mirëpo, ai refuzoi ta bënte këtë gjë, dhe ky doli të jetë një vendim krucial për atë që do të ndodhte më vonë.

Pasi Gerard Pique spastroi rrezikun nga zona e tij, Barça filloi një kundërsulm në minutën e 97-të.

Ishte Ousmane Dembele, Lionel Messi dhe Pique kundër Andy Robertsonit dhe Jordan Hendersonit.

Vendësit luajtën në mënyrë perfekte, derisa Messi bashkëveproi me Dembelen, i cili sigurisht se pritej të shënonte nga ajo pozitë.

Por, befasisht, 160 milionëshi qëlloi direkt e në duart e Alissonit.

Messi kolapsoi në fushë dhe askush nuk ka mundur t’i paramendojë pasojat e mëvonshme të asaj huqjeje.

Shikoni deri në fund videon e mëposhtme. /Periskopi.com/