Pamje të reja para asistit të Alissonit tregojnë se Salahut i punon truri më shpejt se këmbët

Tash është në pyetje më shumë “kur” se sa “nëse”, me “Të Kuqtë” që sigurisht se do të kurorëzohen kampionë, transmeton Periskopi.

Me fitoren 2-0 kundër rivalit të përbetuar, skuadra e Jurgen Kloppit bëri një hap gjigant drejt trofeut, i cili do të kthehet në “Anfield” pas një kohe të gjatë.

Dhe në këtë ndeshje vëmendje të madhe mori portieri i 18 herë kampionit anglez, i cili asistoi për golin e dytë të realizuar nga Mo Salah.

27-vjeçari ka mbajtur portën të paprekur në më shumë ndeshje (27) se që ka pranuar gola, në dy sezonet e tij në Angli.

Sidoqoftë, Salah meriton lavdata të mëdha për një super finish të aksionit, nën presionin e ngushtë të mbrojtësit kundërshtar.

Episodi i fundit nga “Inside Anfield” dhuroi pamje të reja nga ndeshja.

Pati skena fantastike të festimit, me egjiptianin që e kërkoi topin para se ta lansonte Alissoni dhe, derisa po vraponte, e kthente kokën prapa për ta shikuar rrugëtimin e topit.

Klikoni në linkun e mëposhtëm për ta parë videon. /Periskopi.com/

This angle ?

Go behind the scenes of Sunday’s 2-0 victory over @ManUtd with our latest edition of ‘Inside Anfield’ ?

— Liverpool FC (@LFC) January 21, 2020