5 orë më parëNjeriu që zbuloi Rashicën iu shpall luftë “dallaverxhive, hajnave e servilave” në futbollin e Kosovës
Periskopi(6 vite më parë)
(6 vite më parë)Kryetari i KF Ballkanit i cili u shpall kampion vjeshtor në Superligën e Kosovës në futboll, Arsim Kabashi, bëri gjatë mbrëmjes së kaluar një status shpërthyes ndaj futbollit të Kosovës, pas së cilit ka reaguar edhe Ismet Munishi që është kryetrajner i këtij ekipi. Ballkani mund të ketë fascinuar fansat e futbollit vendor me lojërat […]
Ballkani mund të ketë fascinuar fansat e futbollit vendor me lojërat e mira gjatë vjeshtës, me treshen e talenteve Jetmir Topallin, Arbër Hoxhën e Blend Baftiun, e me trajnerin Ismet Munishin. Por, del se prapa skene investitori i madh i klubit nga Suhareka që mëton titullin, është përballur me shumë vështirësi.
“Po më dhimben këta lojtarë e staf i mrekullueshëm, se pikërisht sot i kisha thënë “Lamtumirë” futbollit të Kosovës, dhe as një euro më nuk e kisha shpenzuar. Këtu kish gjithçka por vetëm futboll, burrëri e sinqeritet nuk kish,” – ka shkruar në Facebookun e tij, z.Kabashi, përcjell Periskopi.
Ai ishte akuzuar nga mediat se bashkë me disa kryetarë tjerë klubesh ishin tubuar për të orekstruar rrëzimin e z.Agim Ademi nga pozita e kryetarit të FFK-së. Ky i fundit është dënuar nga Gjykata Themelore në Prishtinë në lidhje me rastin ku si ndërtimtar kishte kërkuar që t’i ndërronte statusin një ngastre toke nga zonë e gjelbër në zonë ndërtimi, pas së cilit rast kishte kërcënuar e sulmuar fizikisht një qytetar të Kosovës për t’i dhënë 30 mijë euro ose një BMW X5, z.Sami Hamiti, atëbotë kryesues i Asamblesë Komunale të Prishtinës.
Kabashi ka mohuar se ka qenë duke orkestruar rrëzimin e z.Ademi dhe për më tepër ka shkruar me emocione dhe dukshëm i fyer pas rastit.
Pas këtij reagimi ka shkruar edhe z.Ismet Munishi, që ishte bërë kampion me Vushtrrinë në vitin 2014, në të cilin sezon kishte zbuluar edhe talentin më të madh të Kosovës aktualisht, Milot Rashicën që po luan me shumë sukses te Werder Bremen.
“Statusi i Presidentit të Ballkanit… është pasojë e fenomenit kur një njeri i ndershëm mundohet të bëj diçka të mirë në futbollin e Kosovës e për fat të keq ka shumë probleme dhe gjatë rrugës has në vështirësi.” – ka shkruar Munishi.
Më tej ai thotë se “Ne e kemi për detyrë t’i ruajmë këta njerëz, se presidentët e investitorët janë më meritorët për suksesin e futbollit të Kosovës… ne si klub ju kemi shpallë luftë dallaverxhive, hajnave dhe servilave.” /Periskopi
