Newcastle pendohet thellë pasi publikoi kalendar turpërues për vitin 2020

“Magpies” e filluan dekadën e kaluar në Championship, dhe që nga atëherë nuk kanë qenë fare konsistent në Premier League.

Sidoqoftë, ky vit nuk filloi aspak mirë për ta pasi u mposhtën 3-0 nga Leicester City në “St James Park”, transmeton Periskopi.

Ky rezultat nënkuptoi se Neëcastle pësoi disfatën e tretë rresht në ligë.

Dhe gjërat po shkojnë si mos më keq për këtë klub edhe jashtë fushës.

Kjo pasi Newcastle rrëmbeu kryetitujt për kalendarin e vitit 2020, duke publikuar një numër turpërues të produktit.

Ayo Perez është përzgjedhur si lojtari në foto për kalendarin e muajit janar, me lojtarin që është larguar nga klubi gjashtë muaj më parë.

Në mënyrë të pashpjegueshme, edhe Salomon Rondon është përfshirë, pavarësisht se është vetëm si i huazuar te Newcastle dhe e njejta ndodhi edhe me Kenedyn, i cili luan te kjo skuadër si i huazuar nga Chelsea.

Jo vetëm kjo, por në kalendar ka fotografi të futbollistëve me fanella të vjetra, derisa në një foto shihet një fans rival duke sharë lojtarët e Newcastlet.

Sipas “Telegraph”, klubi është penduar thellë që ka shpërndarë këtë produkt dhe ka lansuar një hetim të brendshëm për t’u siguruar që të njejtat gabime të mos bëhen. /Periskopi.com./