Munishi para 5 vitesh zbuloi Rashicën, tash afër t’i zbulojë tre “rashica” përnjëherë

Por, ishin tre lojtarë kosovarë që lanë përshtypje të madhe. Dhe që të tre janë pjesë e KF Ballkanit nga Suhareka. Bëhet fjalë për Jetmir Topallin, Arbër Hoxhën dhe Blend Baftiun.

Sidomos Topalli që bartte numrin 16 mbi shpinë ishte mjaft depërtues dhe rrezikoi në disa raste portën e kombëtares skandinave, shkruan Periskopi.

Që të tre kanë formë të lartë edhe në kampionatin e Kosovës, me Blend Baftiun që është golashënuesi më i mirë (10 gola) në Superligën e Kosovës edhe pse është ende shumë i ri, vetëm 21 vjeçar.

21 vjeçarë janë edhe dy të tjerët që u inkuadruan sot, Jetmir Topalli (me 4 gola në Superligë) dhe Arbër Hoxhën (po aq, katër).

Që të tre të rinjtë stërviten nga trajneri i talentuar kosovar, Ismet Munishi.

Kjo na e kujton sezonin 2013-14. Ismet Munishi në atë kohë ishte trajner i KF Vushtrisë e të cilën do ta bënte kampione të Kosovës në fund të sezonit. Por, gjëja më e mirë që i dha Kosovës ishte zbulimi i Milot Rashicës i cili aktualisht është shndërruar në një prej futbollistëve më të mirë në Gjermani dhe pa dyshim futbollisti më i shtrenjtë i kombëtares së Kosovës.

“Në përgjithësi, dëshira, agresiviteti, shpejtësia – krejt këto i kanë demantuar të gjithë ata që thonin se nuk ka asgjë në Superligën e Kosovës,” – ka thënë Munishi pas ndeshjes së Kosovës.

“Jetmir Topalli ka predispozita për të luajtur në Premier Ligë.”

Se a do të ndjekin hapat e Rashicës këta tre futbollistë, mbetet të shihet!