3 orë më parëKosovë-Suedi: Pse Suedia ishte njëqindfish më vëllazërore me Kosovën se Shqipëria?
Periskopi(6 vite më parë)
(6 vite më parë)Kombëtarja e Kosovës luan sot prej orës 15:45 në Doha të Katarit një ndeshje miqësore me Kombëtaren e Suedisë. Dhe është pikërisht Suedia vendi më mik i Kosovës edhe sa i përket futbollit. Për dallim nga Zvicra dhe kombëtaret e tjera që kanë luftuar me fanatizëm për futbollistët me origjinë kosovare, Suedia ka ndjekur një […]
Për dallim nga Zvicra dhe kombëtaret e tjera që kanë luftuar me fanatizëm për futbollistët me origjinë kosovare, Suedia ka ndjekur një qasje shumë më liberale.
Golashënuesi i dytë më i mirë i kombëtares së Kosovës dhe një ndër futbollistët më me perspektivë, Arbër Zeneli, kishte qenë kampion i Evropës me Suedinë në vitin 2015 për U-21, grupmoshat më të rëndësishme të reja, por në fund e kishte zgjedhur Kosovën.
Një gjë të tillë e kishte bërë edhe i famshmi Loret Sadiku që vazhdon të shkëlqejë te Kasimpasa. As për Sadikun, federata suedeze nuk kishte bërë asnjë ankesë dhe asnjë luftë ndaj Kosovës, përcjell Periskopi.
Pikërisht rasti i Sadikut shpërfaq relacionet konfliktuoze të Kosovës me Shqipërinë, pasi për shkak se Sadiku e kishte zgjedhur Kosovën e jo Shqipërinë pas largimit nga Suedia, Shqipëria i kishte pamundësuar atij që të riaktivizohej me kombëtaren dardane. Nga ky rast kishte humbur shumë Kosova që vazhdon të vuajë për një mesfushor kualitativ defanziv e po ashtu edhe Sadiku që vazhdon të mos ketë të drejtë të luajë në nivel kombëtaresh megjithëse sakrifikoi shumë duke e lënë Suedinë.
Suedinë ndërkohë e la edhe mbrojtësi i Heerenveenit Ibrahim Dresheviq. Ibrahimi ynë i mbrojtjes që vazhdon të jetë titullar i padiskutueshëm te ekipi i tij, tashmë ka arritur që t’i bëj 2 paraqitje për Kosovën megjithë moshën e re. Ai më herët kishte qenë pjesë e Elfsborgut në Suedi por kishte qenë një ndër më të mirët në grupmoshën U-19 si mbrojtës duke shënuar 1 gol në 11 ndeshje.
Por, prej nga vjen i gjithë ky respekt e kjo vëllazëri e Suedisë me Kosovën? Arsyeja është fare e thjeshtë. Kosova i ka dhënë Suedisë legjendën e saj në futbollin e grave, Kosovare Asllanin e cila aktualisht luan për Real Madridin në Spanjë.
Asllani ka bërë 138 ndeshje gjatë karrierës së saj me Suedinë dhe ka shënuar 37 gola. Ajo ka fituar medaljen e argjendtë në Lojëra Olimpike me këtë kombëtare ndërsa për sukseset e jashtëzakonshme suedezët i kanë ndërtuar madje edhe një statujë. /Periskopi
