Grafika e pikëve në Premier Ligë nga viti 1992 deri më 2020, Manchester United ekipi me më së shumti pikë

“Djajtë e Kuq” kanë fituar 13 tituj nën drejtimin e teknikut skocez ‘Sir’ Alex Ferguson, por që nga pensionimi i tij në vitin 2013, ata nuk arritën më të fitonin asnjëherë këtë garë.

Madje, që nga viti 2013, ata nuk ishin asnjëherë në garë për titull, por gjithmonë duke luftuar për pozitën e katërt të renditjes tabelare, ndërkohë që rivalët e tyre kanë avansuar tej mase.

Manchester City ka fituar tre tituj të tjerë të Premier Ligës nga viti 2013, ndërsa Chelsea ka triumfuar dy herë gjatë kësaj periudhe.

Leicester City mahniti botën duke fituar titullin kampion në edicioni e paharrueshëm 2015/16.

Por, megjithatë Manchester United vazhdon të jetë skuadra që ka grumbulluar pikë më së shumti në historinë e Ligës Premier në Angli.

Një grafik i shkëlqyer tregon tabelën e përgjithshme të Premier Ligës (nga viti 1992 e deri më tani), e cila është krijuar nga Noob Norm – dhe pamja e saj e bën edhe më kurioze tabelën se si ka ndryshuar ndër vite.

Shikojeni këtu …

Ndoshta befasuese, por United ka qëndruar në krye që nga koha kur kampionati elitar anglez mori titullin “Premier Ligë”, megjithëse avantazhi i tyre i pikëve ndaj ndjekjesve të tjerë është zvogëluar vitet e fundit.

Aston Villa dhe Blakcburn Rovers ishin dy rivalët e parë të United në vitet 94/95.

Por, në këtë mes hyri Arsenal që në vitin 1998 fitoi titullin e parë të kompeticionit Premier Ligë dhe është fantastike të mendosh që ata tashmë janë në vendin e dytë sa i përket mbledhjes së pikëve në këtë garë që nga viti i largët 1992.

‘Topçinjtë’ kanë fituar tre tituj të Premier League (në vitet 1998, 2002 dhe 2004) dhe kanë qenë pjesëmarrës të rregullt të “Top 4” deri në edicionet e fundit.

Chelsea është afruar ndjeshëm pas epokës së Abramovic. “Blutë” e Londrës triumfuan pesë herë titullin e Ligës Premier dhe janë në pozitën e tretë sa i përket mbledhjes së pikëve duke lënë prapa ekipet si Liverpool, Tottenham dhe një ekip surprizë si Everton.

Pavarësisht se City ka fituar 4 tituj kampioni në dekadën e fundit, ata gjenden në pozitën e shtatë sa i përket pikëve të fituar nga 92-shi. Por, kështu si po ecin punët shumë shpejtë mund ta shohim në majen e klasifikimit.

“Qytetarët” ndiqen nga Newcastle United, Aston Villa dhe West Ham në renditjen e përgjithshme tabelare të pikëve.

Pavarësisht se fituan titullin disa edicione më parë, Leicester City mbetet prapa skuadrave si Leeds United, Middlesbrough, Sunderland dhe Fulham.

Nëse numërimi i pikëve do të niste nga viti 2016 kur edhe ata e fituan titullin kampion gjërat do të ishin sigurisht më ndryshe.