Gjilani i shpartallon rusët në fushë, pasi i detyroi ta njohin Kosovën si shtet

Përballja pati karakter miqësor, por u përcoll nga polemika politike, me rusët që e paraqitën Gjilanin si pjesë të Serbisë, shkruan Periskopi.

Klubi rus në kanalin e tyre në “Youtube,” për ta ndjekur direkt ndeshjen miqësore, e ka përshkruar Gjilanin si klub serb, ndërsa ky link është shpërndarë në Facebook nga SC Gjilani.

Sidoqoftë, pas kërcënimit të zyrtarëve gjilanas për ndërprerjen e ndeshjes, rusët e përmirësuan gabimin.

Sa i përket takimit që u zhvillua në Antalia të Turqisë, kosovarët triumfuan me rezultat 1-0 falë golit me kokë nga Darko Nikac.

Mirëpo, kjo epërsi ka mundur të jetë shumë më e thellë, sikur Nikac të shfrytëzonte dy raste të tjera të arta për shënim, me Prognin e Busicin që poashtu nuk u treguan konkret para portës. /Periskopi.com/