Getafe jep sinjale për transferimin e Brahim Diaz

Në kërkim të minutave, Brahim Diaz është i detyruar të largohet nga Real Madridi.

Ende asgjë nuk është konfirmuar, por raportohet se klubet janë në bisedime për të gjetur dakordin e huazimit të ish sulmuesit të Manchester City, që s’po gjen hapësira në ekipin e Zinedine Zidane.

Se kjo mund të ndodhë, së fundmi ka dhënë sinjale edhe trajneri i Getafes, Jose Bordalas.

“Momentalisht, s’mund të them ndonjë gjë sepse s’ka shumë bisedime për këtë. Transferimi varet nga klubi dhe lojtari. Një lojtar i nivelit të tij natyrisht se do të rriste cilësinë e skuadrës sonë, kjo është e sigurt. Por, ne jemi të lumtur me lojtarët që kemi dhe do të shohim çfarë do të ndodhë”, tha Bordalas.

Ai ka bërë vetëm 4 paraqitje këtë sezon, të gjitha i ardhur nga stoli.