Gerrard hapet si asnjëherë më parë: Njerëzit nuk e dinë çka kam hequr pas asaj rrëshqitje

Pas asaj humbjeje 2-0 në javën e 36-të, “Të Kuqtë” pastaj barazuan me Crystal Palacen dhe ia dhuruan Manchester Cityt trofeun në ditën e fundit.

Edicioni 2013/14 ishte fushata kur Gerrard ishte më së afërmi të fitonte titullin e parë në ligë, dhe tani legjenda e “Anfieldit” është hapur se si ka ndikuar tek ai edhe më vonë ky moment.

“E mendoj atë gati çdo ditë, nëse Liverpooli fiton titullin do të më ndihmonte sigurisht,” tha ai.

“Kur e analizoj si duhet, qartazi e kuptoj se nuk ishte vetëm ai moment që i kushtoi me titull Liverpoolit, por prapë një pjesë e imja mendon se është pikërisht ashtu.

“Njerëzit thonë që të më bëjnë të ndihem më mirë: ‘Ishin mbi 28 ndeshje’, por prapë e di se prapa asaj që ma thonë, ai moment ishte shumë i madh.

“Kur Liverpooli e fitoi Champions Leaguen, po i shikoja fansat duke menduar: ‘Janë të lumtur përsëri’, më bëri të ndjehem mirë përsëri,” shtoi tekniku i Rangers.

“Pas Madridit, duke shikuar rrotull, të gjithë ishin të trishtë përsëri, por Champions League vitin e kaluar ishte një moment shërues për mua.

“Mendoj se nëse fitojnë ligën do të luante rol të madh tek unë. Ai ishte një moment i vështirë, dreqin.

“Edhe më i vështirë se që mendojnë njerëzit. Hera e vetme në karrierë kur u ndjeva gjysmë i vdekur, sikur trupi im ishte gjysmë i vdekur.” /Periskopi.com/