5 orë më parëGati e pabesueshme sa ditë kanë kaluar që nga humbja e fundit e Liverpoolit në ‘Anfield’
Periskopi(6 vite më parë)
(6 vite më parë)Liverpooli po vazhdon marshin drejt Premier Leagues. Manchester United sigurisht se do ta testojë rekordin pa humbje deri tani të “Të Kuqve” në Premier League, me skuadrën nga Mançesteri që mbetet e vetmja që e ka ndalur Liverpoolin me një barazim këtë edicion. Nga 21 ndeshje të luajtura, skuadra e Jurgen Kloppit i ka regjistruar […]
Manchester United sigurisht se do ta testojë rekordin pa humbje deri tani të “Të Kuqve” në Premier League, me skuadrën nga Mançesteri që mbetet e vetmja që e ka ndalur Liverpoolin me një barazim këtë edicion.
Nga 21 ndeshje të luajtura, skuadra e Jurgen Kloppit i ka regjistruar 20 fitore dhe një barazim – kundër Unitedit, transmeton Periskopi.
Sidoqoftë, gjasat që United të nxjerrë rezultat pozitiv nga kjo përballja janë shumë të vogla, me skuadrën që nuk mund të llogaritë në shërbimet e Scott McTominay, Paul Pogba dhe, me shumë gjasë, Marcus Rashford – të gjithë duke u rikuperuar nga lëndimet.
Përveç kësaj, Liverpooli thjesht nuk humb në shtëpi në ligë.
Crystal Palace është skuadra e fundit që ka triumfuar në fortesën e klubit nga “Merseyside”, duke fituar 2-1, më 23 prill të vitit 2017.
Christian Benteke shënoi dy gola kundër ish-skuadrës për t’ia siguruar fitoren Palace.
Pra, kanë kaluar saktësisht 1000 ditë që nga humbja e fundit e Liverpoolit në “Anfield”.
Gjatë kësaj kohe, Manchester City ka humbur katër, ndërsa Manchester Unitedi gjashtë ndeshje në shtëpi.
E jashtëzakonshme, apo jo? /Periskopi.com/
