Eriksen po bën çdo gjë të mundur për ta shkatërruar karrierën te Tottenhami: Sot ishte thjesht horror

Mesfushori danez ka qenë një prej futbollistëve më të mirë të Spurs në vitet e fundit, por në 18 muajt që lamë pas ai ka qenë thjesht horror, dhe nuk po e teprojmë kur e themi këtë, transmeton Periskopi.

Eriksen e bëri të qartë se dëshiron të largohet nga klubi, derisa kontrata i skadon në verë.

Interi është favoriti për transferimin e tij dhe pas paraqitjes së tij kundër Liverpoolit, Spurs sigurisht se do të mendojë seriozisht për shitjen e tij te klubi italian.

Për ta qartësuar sa më thjesht, Eriksen ishte tmerr i vërtetë. Ai startoi në mesfushë përkrah Harry Winks, derisa vazhdoi për të dhuruar një paraqitje që nuk ka të bëjë aspak me futboll kualitativ.

Ai vazhdimisht e humbi topin, dështoi t’i markonte kundërshtarët prapa dhe u duk totalisht i painteresuar.

Për ta nënvizuar se sa i dobët ishte, fansat e vërshëllyen atë kur u zëvendësua nga Giovani Lo Celso.

Një moment që e përmbledh paraqitjen katastrofë të Eriksenit ishte kur ai ekzekutoi në mënyrë të turpshme një goditje dënimi nga gjysma e fushës.

Nga një pozitë e mirë për ta krosuar topin në një zonë të rrezikshme, danezi qëlloi me nënshalancë drejt mbrojtjes së Liverpoolit, me “Të Kuqtë” që filluan një kundërsulm të shpejtë pastaj. /Periskopi.com/

What has Eriksen become???????

Sums his last years performances up pic.twitter.com/duHfculk40

— mark pawley (@tuckers35) January 11, 2020