E konfirmuar: Emri i Mesut Ozilit kurrë më nuk do të përmendet në Kinë

Pasi nuk u përdor fare nën urdhërat e Unai Emeryt, mesfushori ka treguar një fytyrë tjetër në javët e fundit.

Kjo u nënvizua edhe në fitoren 2-0 të Arsenalit kundër Manchester Unitedit, me Ozilin që mbuloi më shumë kilometra se bashkëlojtarët, transmeton Periskopi.

Një statistikë e tillë ka qenë thjesht e pamundur disa muaj më parë. Në fakt, ai vrapoi më së shumti në dy vitet e fundit në një ndeshje.

Sidoqoftë, ai së fundmi është përfshirë edhe në polemika politike, derisa është shprehur haptas kundër mënyrës se si shteti kinez po i trajton muslimanët në vend.

Sipas raportit të Unionit Evropian, një milion myslimanë uigurë po mbahen në kampe të mbyllura, me Ozilin që gjithashtu foli rreth djegies së xhamive dhe Kuranëve.

Komentet e tij nxitën frustrime në Lindjen e Largët, derisa ndeshjet e Arsenalit u larguan nga transmetimet nëpër televizionet kineze.

Ozil poashtu u largua nga video-loja PES 2020 për shfrytëzuesit nga Kina.

“The Times” tani raporton se emri Ozil është vënë në listën e zezë kineze dhe, edhe kur të shënojë, emri i tij nuk do të përmendet.

Komentatorët tashmë kanë filluar ta injorojnë mesfushorin, derisa nuk e përmendën fare në barazimin 1-1 me Bournemouthin.

Pastaj, në fitoren 2-0 kundër Man Unitedit, vetëm 10 lojtarë të Arsenalit u përmendën të formacionit startues.

Fillimisht ishte marrë vendim që të mos transmetoheshin fare ndeshjet e Arsenalit, mirëpo, pas konsultimeve është vendosur që për arsye komerciale ndeshjet e skuadrës londineze të vazhdojnë transmetimin, por të injorohet emri Ozil. /Periskopi.com/