Skandali me doping: Rusia mund të përjashtohet nga të gjitha ngjarjet e mëdha sportive

Rusisë i janë dhënë tri javë që të shpjegojë “inkonsistencat” dhe nëse nuk ia del rrezikon përjashtimin nga Lojërat Olimpike dhe nga kampionatet botërore.

Rusia po ashtu mund të përballet me ndalesë për organizimin e eventeve madhore. Kujtojmë se ky vend kishte organizuar Kupën e Botës vitin e kaluar, të cilin e kishte fituar Franca, shkruan BBC, përkthen Periskopi.

“Ka evidencë se këto të dhëna janë fshirë,” ka thënë Jonathan Taylor i Agjencisë Anti-Doping.

“Na vyen të kuptojmë nga autoritetet ruse atë që kanë për të thënë.”

Cila është prapavija?

Rusia dhuroi të dhëna nga laboratori në Moskë në muajin janar si kusht për ri-integrimin e saj pas një suspendimi 3 vjeçar shkaku i programit shtetëror për doping.

Por, të hënën Agjencia Anti-Doping u informua që një ankesë formale ishte hapur për shkak të zbulimit të inkonsistencave të shumta në këto të dhëna.

Veç kësaj, Rusia nuk ka respektuar as afatet për të garantuar të dhënat në laboratorin e saj anti-doping në Moskë.