Plani i zbuluar: Amerika do ta bëj rrafsh me tokë Iranin për 24 orë, fillimisht sulmohen armët bërthamore

Plani i koduar me emrin TIRANNT, besohet të jetë projekti për sulmin që do shkatërronte fuqinë e regjimit brenda 24 orësh.

Lufta kundër Iranit ka qenë në planet e Pentagonit për më shumë se dhjetë vjet, shkruan The Sun, përkthen Periskopi.

Por, frika dhe tensionet janë shtuar në masë alarmante pas sulmeve në impiantet e naftës së Arabisë Saudite, e për të cilat administrata amerikane e bëri me faj pikërisht Teheranin.

Fillimisht Amerika do të shkatërronte impiantet nukleare. Dhe, megjithëse armët e zakonta do të përdoreshin dhe jo ato nukleare, sulmi megjithatë do ta dërrmonte ushtrinë iraniane për më pak se një ditë.

Nën këtë plan, raketat do të lëshoheshin prej anijeve në Gjirin Persik dhe më pas do të kishte bombardime edhe nga formacionet e B52 Stratofortress.

Nga një gjë e tillë, më shumë se 10 mijë shënjestra do të bëheshin rrafsh me tokë.

Intenziteti i sulmeve do të ishte i ngjashëm si ai në vitin 2003 ndaj Irakut, që e rrëzoi Saddam Husseinin nga pushteti.

Plani i luftës, që po ashtu përfshin NATO-n dhe forcat izraelite, doli nga William Arkin, ish analist i inteligjencës amerikane.

Sot, ministri i jashtëm i Iranit, Javad Zarif, deklaroi se ShBA-ja veçse e kishte filluar luftën kibernetike me vendin e tij. /Periskopi