“Më pasoni siç duhet topin…”, fjalët e Lukakus që e tërbuan Brozovicin

Tek Interi siç duket atmosfera nuk është e mirë.

Së fundi, një përplasje kanë pasur dy lojtarët kyç të skuadrës në dhomat e zhveshjes pas ndeshjes me Slavia Prague – shkruan Periskopi.

Sulmuesi belg, Lukaku, dhe mesfushori kroat, Brozovic kanë pasur debate të ashpra pas ndeshjes.

Sipas “Sportmediaset”, fjalia që e ka tërbuar më shumë kroatin ishte ajo kur belgu ka kërkuar: “Më pasoni topin siç duhet”.

Edhe pse Brozo dhe Lukaku janë sqaruar pas ndeshjes për debatin, gjithçka ka kaluar pa ndonjë problem të madh, veçse polemikat janë ngritur.

Mbrojtësi holandez, De Vrij, ka qenë i pranishëm, kurse ka reaguar për “Sky Sports”: “Nuk e di pse flitet kaq shumë dhe pse flitet për sherr! Ata të cilët kurrë nuk kanë qenë në një dhome të zhveshjes nuk mund të thonë asgjë!”. /Periskopi/