Martin Odegaard dhuroi asistimin e sezonit mbrëmë kundër Alavesit, absolutisht sensacional

Mesfushori norvegjez dikur konsiderohej si një prej të rinjëve më të talentuar në botë, sa ishte 15-vjeçar dhe pjesë e Stromsgodset.

Ishte Real Madridi klubi që fitoi garën për shërbimet e tij, por progresi nuk ishte ai që pritej, raporton Periskopi.

Ai debutoi për klubin në moshën 16-vjeçare, por bëri vetëm një paraqitje kompetitive për skuadrën e parë.

Odegaard ka kaluar tri sezonet e fundit në huazim dhe aktualisht është i angazhuar në La Liga me Real Sociedadin.

Dhe më në fund është duke shkëlqyer.

20-vjeçari ka qenë një prej lojtarëve më të mirë në La Liga deri tani.

Ai deri tani ka shënuar dy gola për klubin spanjoll dhe u shpall “Lojtari i Muajit” i Sociedadit për gusht.

Sikur kjo të mos mjaftonte, ai sapo ka dhuruar asistimin e sezonit.

Odegaard startoi kundër Alavesit të enjten mbrëma dhe luajti rol të madh në golin e parë.

Në minutën e 19-të ai mori topin, ia futi nën këmbë një kundërshtari dhe pastaj lansoi një pasim vizionar për ta gjetur Mikel Oyarzabal.

Spanjolli pastaj e pati tepër të lehtë ta fuste topin në rrjetën e zbrazët. /Periskopi.com/

This Odegaard assist is one of the best I’ve seen in a while. Some De Bruyne kinda stuff ?? pic.twitter.com/H09QbxkbiD

— King Iseunife ? (@TheShawnife) September 26, 2019