Mancini: Klopp është trajneri më i mirë në botë

Trajneri i Italisë, Roberto Mancini ka thënë që trajneri i Liverpoolit, Jurgen Klopp është trajneri më i mirë në botë.

Klopp dje u zgjodh trajneri më i mirë i shpallur nga FIFA, transmeton KosovaPress.

I këtij mendimi është edhe Mancini i cili tha se nuk ka ndonjë dyshim për këtë gjë.

“Nuk mendoj se ka ndonjë dyshim që Klopp duhet të jetë trajneri i vitit, me ato që ka fituar dhe ato që ka bërë. Për të parë trajnerët italian në krye, duhet t’ia dalin mirë në Ligën e Kampionëve dhe Euro 2020”, deklaroi ai.