4 orë më parëKosovari i Javës: Lojtarët e Kosovës e kalojnë javën si rezervistë në klubet e tyre
Periskopi(7 vite më parë)
(7 vite më parë)Mbaroi edhe një javë tjetër në garat evropiane të futbollit. Lojtarët e Kombëtares së Kosovës vazhdojnë të përballen me probleme të ndryshme, por kjo javë në veçanti u karakterizua me qëndrimin e shumicës prej tyre në bankën rezervë. Milot Rashica u kthye nga lëndimi por e kaloi gjithë ndeshjen në bankën rezervë edhe pse ekipi […]
Milot Rashica u kthye nga lëndimi por e kaloi gjithë ndeshjen në bankën rezervë edhe pse ekipi i tij Werder Bremen kishte nevojë për të pasi po humbiste nga Leipzigu.
Në bankë e kaloi ndeshjen edhe portieri i Nottingham Forest, Arijanet Muriq, që e ka humbur vendin e titullarit për shkak të mendjemadhësisë. Ekipi i tij vazhdon formën e lartë në Championship, e për fatin e tij të keq, edhe portieri rival Brice Samba. Sabri Lamouchi kishte deklaruar se Muriq nuk iu besonte lojtarëve të tjerë të ekipit, duke lënë të nënkuptohej se po e linte si rezervist shkaku i mendjemadhësisë.
Por, edhe një punëtor i madh si Valon Berisha vazhdon të mos ketë vend në ekipin e tij. Lazio shënoi fitore ndaj Parmas por Berisha nuk u paraqit fare, shkruan Periskopi.
Rezervist ishte edhe talenti Edon Zhegrova në barazimin e Baselit me Young Boys.
Bersant Celina u paraqit denjësisht për Swansean në barazim. Po ashtu, mirë luajti edhe Florent Hadërgjonaj në humbjen e ekipit të tij ndaj West Bromwich Albion. Rrahmani ishte i plotë ndaj Juventusit por mori karton të verdhë dhe paraqitja e tij nuk u vlerësua lart shkaku i pozicionimit të dobët gjatë ndeshjes.
Lojtari më i mirë kosovar i javës ishte Vedat Muriqi i Fenerbahçes. Magazina Whoscored e vlerëson me notën 9,2 për shkak të asistimit dhe golit, por e jashtëzakonshme ishte në fakt e gjithë paraqitja e tij duke u kthyer shpesh në mbrojtje dhe duke larguar topa të rrezikshëm të kundërshtarit.
