Interi fitore minimale por shumë të rëndësishme kundër Lazios

Interi ka regjistruar një fitore tejet të rëndësishme kundër Lazios në “San Siro”, me rezultat minimal 1-0, në kuadër të javës së pestë në Serie A.

Danilo D’Ambrosio shënoi golin e vetëm të ndeshjes në minutën e 23-të pas asistimit të Biraghit, raporton Periskopi.

Pas kësaj fitoreje, Interi ruan startin perfekt me pesë fitore nga pesë ndeshje, derisa zë pozitën e parë në tabelë, me dy pikë më shumë se Juventusi.

Kujtojmë se ValonBerisha u inkuadrua në minutën e 73-të për Lazion, por dështoi të kishte impaktin e duhur. /Periskopi.com/