8 orë më parëGol e karton i kuq në debutim për Sanchezin, Interi vazhdon me startin perfekt
Periskopi(7 vite më parë)
(7 vite më parë)Interi ka vazhduar me startin perfekt në Serie A, duke regjistruar edhe fitoren e gjashtë nga po aq ndeshje në përballjen e sontme kundër Sampdorias. “Nerazzurrët” triumfuan me rezultat 3-1, në një natë ku gjithë vëmendjen e mori Alexis Sanchez, i cili debutoi nga minuta e parë, raporton Periskopi. Sulmuesi kilian shënoi golin e dytë […]
“Nerazzurrët” triumfuan me rezultat 3-1, në një natë ku gjithë vëmendjen e mori Alexis Sanchez, i cili debutoi nga minuta e parë, raporton Periskopi.
Sulmuesi kilian shënoi golin e dytë për djelmoshat e Antonio Contes në minutën e 22-të, pasi Sensi ia kishte dhuruar epërsinë Interit vetëm dy minuta më parë.
Mirëpo, me të filluar pjesa e dytë, Sanchez – i cili veç kishte një karton të verdhë nga pjesa e parë – u ndëshkua me të dytin për t’u përjashtuar pas një simulimi në tentativë për të nxjerr penallti.
E këtë u munduan ta shfrytëzojnë vendësit, të cilët ngushtuan epërsinë në minutën e 55-të me anë të Janktos.
Fitoren Interit ia vulosi Gagliardini i cili realizoi në minutën e 61-të për 3-1.
Pas kësaj fitoreje, skuadra nga Milano mbetet lidere e padiskutueshme me 18 pikë, dy më shumë se Juventusi. /Periskopi.com/
