Gjilani ia “fali” fitoren Prishtinës, Mezani shpërthen ndaj futbollistëve të tij

Gjilani nuk ka arritur ta mbajë rezultatin e barabartë deri në sekondat e fundit të ndeshjes pasi që Prishtina arriti të shënoi në fund përmes Alban Shillovës për t’ia dhënë tre pikë kryeqytetasve – shkruan Periskopi.

Gjatë gjithë ndeshjes, Gjilani kishte më shumë nga loja, duke krijuar shumë raste po që vetëm një arriti ta realizoi.

Pas ndeshjes trajneri i Gjilanit, Gentijan Mezani e ka komplimentuar Prishtinën për fitoren e arritur.

“Mendoj që kemi bërë një ndeshje të bukur, ishte lojë me rritëm të lartë, komplimente Prishtinës për fitoren”, tha fillimisht Mezani për Superposrt, transmeton Periskopi.

Tekniku nga Vlora ka kritikuar futbollistët e tij për gabimet amatore dhe ka thënë qe ia kanë falur fitoren Prishtinës.

“Pjesën e dytë e kemi dominuar lojën, mendoj që e kemi falur sot lojën kundërshtarit, morën një fitore të madhe ndaj nesh”.

“Sot lojën më shumë e kemi falur sesa ka fituar Prishtina. Kemi gabuar shumë rëndë tek dy golat dhe padyshim që kundërshtari i shfrytëzoi”.

“Ne sot kemi ardhur për tre pikë në Prishtinë, por me vjen keq se bëmë gabime amatore që nuk falen”, përfundoi Mezani. /Periskopi/