Ballkani me fitore minimale por shumë të rëndësishme kundër Drenicës

Ballkani ka siguruar një fitore me rezultat minimal si mysafir i Drenicës, 1-0, në ndeshjen e cila u luajt në kuadër të javës së shtatë në Superligën e Kosovës në futboll.

Jetmir Topalli realizoi golin e vetëm për Ballkanin në minutën e katërt, derisa në vazhdim më gola të tjerë nuk pati, pavarësisht rasteve, raporton Periskopi.

Vlen të ceket se në këtë përballje trajneri i Ballkanit, Ismet Munishi u ndëshkua me karton të verdhë në minutën e 35-të.

Pas kësaj fitoreje, Ballkani ngjitet në pozitën e dytë, të paktën përkohësisht, me 14 pikë, një më pak se lideri Feronikeli.

Në anën tjetër, Drenica mbetet në kuotën e tetë pikëve në pozitën e tetë. /Periskopi.com/