Antonio Contes nuk do t’i pëlqejë aspak ajo që tha ylli i Interit pas barazimit zhgënjyes me Slavia Praguen

Qendërmbrojtësi i Interit, Milan Skrinar, ka shpërthyer ndaj ekipit të tij pas barazimit turpërues kundër Slavia Prague – shkruan Periskopi.

“Sipas mendimit tim, në këtë ndeshje kemi pasur përballë një kundërshtar më të vështirë në krahisim me ndeshjen e parë kampionale”, ka thënë mbrojtësi “zikaltër:”.

Edhe pse goli i parë erdhi nga dalja e gabueshme e Skrinar, ai nuk ka hezituar të flas ashpër ndaj ekipit të tij.

“Nuk kemi qenë të përqendruar, kemi fjetur gjumë dhe kështu nuk është mirë. Ndeshja e parë gjithmonë është me e rëndësishmja, por ne kemi edhe pesë ndeshje të tjera”, ka shtuar sllovaku.

Gjithashtu, Skrinar ka folur edhe për derbin e madh kundër Milanit.

“Tani do të luajmë derbin me një dëshirë të madhe, edhe pse është një ndeshje ndryshe nga të tjerat. Nga nesër duhet të mendojmë vetëm për ndeshjen derbi”, ka përfunduar Skrinar./Periskopi/