Zidanes i duhet vetëm ta ngrisë gishtin për ta transferuar Eriksenin, por ai e do vetëm këtë lojtar

Dhe Zinedine Zidane po mundohet ta bëjë pikërisht këtë në këtë afat kalimtar, derisa shpresat e tij për Paul Pogban ende nuk janë venitur.

Tregu është i hapur deri më 2 shtator, kështu që, “Los Blancos” do të jenë të hapur për gjithçka, me një sy në Mançester dhe në situatën e mesfushorit në klub.

Pogba ende mbetet lojtari të cilin e ëndërron Zidane, sipas “Marca”.

Asgjë nuk ka ndryshuar as nga kampi i Pogbas, por ai nuk dëshiron të bëjë presion për një largim nga “Old Trafford”, pavarësisht se mezi pret të punojë me Zidanen në Madrid.

E përditshmja spanjolle raporton se Zidane është i gatshëm të shkojë shumë larg për ta marrë mesfushorin, derisa mjafton vetëm ta ngrisë gishtin që ta transferojë Donny van de Beek ose Christian Eriksenin, por ai thjesht nuk e dëshiron asnjërin. /Periskopi.com/