S’ka hajgare me gjermanë – fansi e denoncon gjyqtarin në Polici pas vendimeve kontraverse kundër Bayernit

Hat-tricku i Robert Lewandowskit ia siguroi fitoren e rehatshme kampionit në fuqi të Gjermanisë.

Mirëpo, vendësit nuk ishin aspak të kënaqur me disa vendime të gjyqtarit gjatë ndeshjes.

Referi, Marco Fritz qëndroi i heshtur ndaj disa protestave për penallti nga Schalke.

Dhe, për t’i frustruar edhe më shumë fansat vendës, ai drejtoi gishtin nga 11-metërshi në favor të Bayernit vonë gjatë përballjes, të cilën e konvertoi Lewa.

Pas ndeshjes për referim të dobët u ankua edhe trajneri i Schalkes, David Wagner, i cili u fokusua veçanërisht në dy raste.

Njëri ndodhi në minutën e 56-të e tjetri shtatë minuta më vonë.

Fillimisht, Matija Nastasic goditi me kokë në drejtim të portës, por përpjekja e tij u mbrojt me dorë nga Benjamin Pavard. Shikoni më poshtë.

? pic.twitter.com/Tb95to6wxK

— TheFootballAddick (@FootballAddick) August 27, 2019

Shtatë minuta më vonë, Daniel Caligiuri goditi nga gjuajtja e lirë, por tentativa e tij përsëri u ndal nga dora e një prej futbollistëve bavarezë – saktësisht nga Ivan Perisic.

?? pic.twitter.com/3bk1RXIZEm

— TheFootballAddick (@FootballAddick) August 27, 2019

Gjyqtari qëndroi i heshtur ndaj të dy këtyre incidenteve, dhe tani një fans i Schalkes i ka marrë aq afër zemres gafet e gjyqtarit, saqë ka vendosur ta raportojë në polici.

Policia e Gelsenkirchen e konfirmoi të mërkurën se kanë marrë një ankesë për gjyqtarin dhe VAR-in nga një fans.

“Një fans i Schalkes ka përpiluar ankesë kundër Gjyqtarit dhe VAR-it për mashtrim,” shkruhet në njoftimin e Policisë.

“Arsyeja: Dy penallti të paakorduara kundër FCBayernit. Policia tani po i shikon faktet.” /Periskopi.com/