Nëse mendoni se po kaloni një ditë të keqe, prisni të dëgjoni çka i ndodhi sulmuesit të Rizesporit

A keni pasur ndonjëherë një prej atyre ditëve ku gjithçka shkon si mos më keq?

E dini për çka e kemi fjalën – një prej atyre ditëve ku të këqijat të vijnë njëra pas tjetrës.

Jemi të sigurtë se të gjithë keni përjetuar ditë të tilla.

Por gati mund t’iu garantojmë se një ditë e tillë e juaja nuk ka mundësi të ketë qenë më e keqe se ajo e Moestafa El Kabirit të dielën, transmeton Periskopi.

El Kabir luan për Çaykur Rizesporin në Super Ligën turke, dhe të dielën skuadra e tij do të ndeshej me Sivassporin.

Por gjërat filluan të shkojnë keq për El Kabir qysh para fillimit të ndeshjes.

Fillimisht, ai u harrua në qendrën stërvitore nga skuadra dhe autobusi u nis pa të.

Kështu, 30-vjeçari u desh të shkonte në stadium me taksi.

Nuk ka problem, ai thjesht u vonua pak dhe u desh të paguante një shumë të konsiderueshme për taksi.

Epo, ajo vonesë e vogël u shëndrrua në vonesë të madhe kur sigurimi nuk e la të futej në stadium.

Për të qenë të drejtë, nuk është se shohim shpesh lojtarë duke shkuar në stadium me taksi.

Eventualisht, trajneri i skuadrës intervenoi dhe El Kabir më në fund u fut në zhveshtore.

Në rregull. Koha që 30-vjeçari të koncentrohet në ndeshje.

Por pas 13 minutave lojë, El Kabir u desh të largohej pasi theu këmbën.

Tani është konfirmuar se ai do të mungojë gjashtë muaj.

Nëse flasim për ditë të këqija, kjo duhet të jetë kapaku. /Periskopi.com/