17 minuta më parëMunishi kërkon një milion euro për ta fituar titullin
Periskopi(7 vite më parë)
(7 vite më parë)Trajneri i Ballkanit, Ismet Munishi ka thënë se për të triumfuar në luftën për titull nevojitet një buxhet prej hiç më pak se 1 milion eurove. Ish-tekniku i Dritës ka potencuar se Kosova ka bërë përparime në vitet e fundit, derisa e ka nënvizuar faktin për ngritjen e pagave të lojtarëve. “Përmirësimi në futbollin kosovar […]
Ish-tekniku i Dritës ka potencuar se Kosova ka bërë përparime në vitet e fundit, derisa e ka nënvizuar faktin për ngritjen e pagave të lojtarëve.
“Përmirësimi në futbollin kosovar është… pika e parë është buxheti i klubeve. Nëse një klub i ka shpenzuar para tri vjetëve 200 mijë euro ose 250 mijë euro, në këtë sezon do t’i shpenzojë 750 mijë euro”, ka thënë Munishi në emisionin “Favorit”.
“Për ta fituar titullin kampion nevojiten mbi 1 milion euro në vit. Ky është progres i theksuar, janë rritur edhe pagat e lojtarëve. Kosova është bërë atraktive edhe për futbollistët nga Shqipëria, Maqedonia, nga Kroacia dhe për futbollistët afrikanë e trajnerët e huaj”, tha Munishi.
Edhe pse Ballkani e ka nisur mirë kampionatin duke e marrë kryesimin me një fitore e një barazim, Munishi tha se nuk është e drejt të konsiderohet ekipi i tij kandidat për titull kur dihen se çfarë klube tjera të mëdha luftojnë për këtë trofe.
“Ballkani pas dy vitesh besoj se do të jetë në gjendje ta fitojë titullin”, shtoi ai. /Periskopi.com/
