9 orë më parëMo Salah ishte katastrofë e vërtetë në stërvitjen e parë me Baselin – klubi mendoi se ishte vëllai binjak i tij
Periskopi(7 vite më parë)
(7 vite më parë)Mohamed Salah po e përjeton kohën e jetës së tij aktualisht. Egjiptiani është në top formë, derisa së fundmi shtoi edhe dy gola në statistikat impresive të tij, në fitoren 3-1 kundër Arsenalit të shtunën. Salah është zhvilluar në një lojtar të klasit botëror në “Anfield”, derisa titujt e fituar në “Merseyside” e nënvizojnë talentin […]
Egjiptiani është në top formë, derisa së fundmi shtoi edhe dy gola në statistikat impresive të tij, në fitoren 3-1 kundër Arsenalit të shtunën.
Salah është zhvilluar në një lojtar të klasit botëror në “Anfield”, derisa titujt e fituar në “Merseyside” e nënvizojnë talentin që e posedon, transmeton Periskopi.
Ndër to përfshihen edhe çmimet individuale si “Lojtari i Vitit” në sezonin 2017/18 dhe “Këpuca e Artë” të cilën e ka fituar në dy sezonet e fundit.
Por Salah nuk e ka pasur gjithmonë kaq të lehtë.
Ai pati vështirësi te Chelsea, ku bëri vetëm 18 paraqitje për “Të Kaltërit” para se të kalonte në Serie A te Roma.
Mirëpo, te Baseli, Salah tërhoqi vëmendjen e gjigantëve evropianë për herë të parë, ku kaloi dy sezone në Zvicër para se të transferohej te Chelsea më 2014.
Por Salah pati një start të vështirë të jetës te Baseli, ku trajnerët fillimisht kishin dyshime për të.
Në fakt, ata menduan nëse ishte vëllai binjak i Salahut ai që ishte paraqitur në stërvitjen e parë për klubin.
Trajneri i atëhershëm i Baselit, Heiko Vogel së fundmi në një intervistë për ‘Goal’ është shprehur: “Unë i thashë atij (Salahut), ‘dëgjo, stërvitu si të duash – ne tashmë e kemi marrë vendimin’.
“Pastaj ai u stërvit në ditën e parë; të gjithë e shikuan sesionin e tij dhe ne hamendësuam nëse ai ka ndonjë vëlla binjak!
“Dita e dytë ishte paksa më e mirë, por jo e mirë sa duhet.
“Dhe kur erdhi në ditën e tretë, ai shkatërroi gjithçka, ishte i pandalshëm.” /Periskopi.com/
