Mateo Messi festoi aksidentalisht gjatë Barcelona-Betis, reagimi i Luis Suarezit është epik

Nëpër rrjetet sociale tash e një kohë po qarkullon një mit interesant se Mateo Messi gjithmonë dëshiron që Barcelona të humb.

Këtë e zbuloi edhe vetë legjenda argjentinase në një intervistë për “TyC Sports” së fundmi duke thënë se biri i tij gjithmonë e ngacmon nëse Barça humb, transmeton Periskopi.

“Ne po luanim në shtëpi dhe ai më tha: ‘Do të bëhem Liverpooli sepse atë të mundën’,” ishte shprehur Messi.

“Ai e bëri të njejtën gjë me Valencian. ‘Valencia të mundi, eh? Unë jam fans i Valencias’.”

Pastaj shtoi: “Ata e shikojnë ndeshjen në TV dhe ai feston kur Real Madridi shënon për ta ngacmuar vëllain (Thiagon). Ai sillet sikur fans i Madridit!”

Dhe Twitteri u çmend në fundjavë pasi u publikuan pamje nga fitorja 5-2 e Barçës kundër Real Betisit, në të cilën u duk se 3-vjeçari Mateo duke festuar golin që e shënuan vizitorët në “Camp Nou”.

Në fakt e vërteta qëndron ndryshe – ai festoi aksidentalisht pas një aksioni të Barçës, duke besuar se blaugranët kishin shënuar – por prapë mbetet video interesante, sidomos reagimi i Suarezit.

Shikoni më poshtë. /Periskopi.com/

Suarez trolleando a Mateo Messi ??? pic.twitter.com/0Oa38KyqC1

— VidaBlaugranaYT (@Vida_Blaugrana) August 26, 2019